Showbizness, nagluluksa sa biglaang pagpanaw ni Wenn Deramas

Nagluluksa ngayon ang pinilakang tabing matapos pumanaw ang batikang director na si Wenn Deramas.

Nabatid na binawian ng buhay ang 49-anyos na director matapos ang isang cardiac arrest.

Si Deramas ay nakaburol ngayon sa Arlington Memorial Chapels sa lungsod ng Quezon.

Ilan sa mga bumisita sa burol ni Deramas ang mga artistang sina Claudine Barretto, Nikki Valdez, Jolina Magdangal, Gladys Reyes, Vhong Navarro, Maricel Soriano, DJ Durano, Pokwang at marami pang showbiz personnel.

Ilan sa mga obra ni Wenn ang television drama series na “Mula sa Puso,” “Saan ka Man Naroroon,” at “Dulo ng Walang Hanggan.”

Pumatok naman sa takilya ang kaniyang mga pelikulang ‘Sisterakas,” “the Amazing Praybeyt Benjamin,” “Petrang Kabayo,” “Ang Tanging Ina” movie franchise at “Beauty and the Bestie.”

Speak Your Mind

*