13 miyembro at lider ng NPA, sumuko sa militar sa Mindanao

Sumuko sa tropa ng gobyerno ang labintatlong miyembro ng New People’s Army (NPA) bitbit ang high-powered firearms ng mga ito.

Ayon kay Lt. Col. Marion Ancao, commanding officer ng 73rd Infantry Battalion ng Philippine Army (PA), ang mga ito ay mga miyembro ng Front Committee 71 ng NPA na nag-o-operate sa bulubunduking bahagi ng Sarangani at Davao Occidental.

Ang mga ito ay kinabibilangan ng squad leaders na sina alyas “Caloy,” na nag-o-operate sa Sarangani; “Malik,” squad leader na taga-Tabayon, Jose Abad Santos at “Igan” na isang political guide na taga-Malita, Davao Occidental.

Ang iba pang NPA surenderees ay sina alyas “Alas,” “Malinawon,” “Rudy,” “Richard,” “Robert” at “Rustom” na kapwa taga-Manuel Peralta, Malita Davao Occidental.

Speak Your Mind

*