CGMA, 11 iba pa nakaambang masipa sa puwesto sa Kamara

Nakaambang masipa sa kanilang puwesto ang labindalawang kongresista matapos bumoto nang ‘no’ sa death penalty reimposition bill.

Naglabas ng listahan ang Kamara ng mga maaalis sa kani-kanilang pinamumunuang komite dahil sa pagkontra sa nasabing panukala.

Kabilang dito si Pampanga Representative Gloria Macapagal-Arroyo na nanganganib ang posisyon sa pagka-House deputy speaker.

Kasama rin sa mga mambabatas na may committee chairmanship sina ACT Party-list Representative Antonio Tinio, Bayan Muna Party-list Representative Carlos Zarate, Gabriela Party-list Representative Emmi De Jesus, Batangas Representative Vilma Santos-Recto, Sorsogon Representative Evelyn Escudero, Batanes Representative Henedina Abad, Quezon City Representative Kit Belmonte, Dinagat Islands Representative Kaka Bag-Ao, Buhay Representative Michael Velarde, Jr., Amin Representative Sitti Djalia Hataman at Occidental Mindoro Representative Josephine Ramirez-Sato.

Matatandaang mula mismo kay House Speaker Pantaleon Alvarez ang pagsasabing masisipa ang mga boboto kontra sa pagbuhay ng parusang bitay.

Speak Your Mind

*