Mga tripulante ng fishing vessel hinuli dahil lumabag sa RA 10654

Labimpitong tripulante ng isang fishing vessel ang naaresto ng mga awtoridad na iligal na nangingisda sa karagatan ng Barangay Olotayan sa Roxas City.

    Ang nasabing mga tripulante ay hinuli dahil sa paglabag sa RA 10654 o Philippine Fisheries Code o pangingisda sa loob ng labinlimang kilometro mula sa baybayin ng Roxas City.

    Depensa ng mga tripulante, pinayagan silang mangisda ng mga kasapi ng Philippine Coast Guard (PCG) na kanilang tinulungang makadaong sa baybayin sakay ng kanilang pump boat.

    Samantala, wala pang komento ang PCG kaugnay ng alegasyon ng nasabing mga tripulante.

Speak Your Mind

*