“No Balance Policy”, patuloy na ipinatutupad ng Philhealth

Patuloy na ipinatutupad ng Philippine Health Insurance Corporation o Philhealth-Cabanatuan ang “No Balance Policy” sa ilalim ng Philhealth Circular No. 0003 series of 2014.

Sa panayam ng Sonshine Radio Cabanatuan, sinabi ni Ma. Adelinda Morales, Social Insurance Officer II ng Philhealth na ang “No Balance Policy” ay sponsored member ng mga Local Government Unit.

Kabilang din umano sa nabebenepisyuhan ng “No Balance Policy” ang mga miyembro ng 4Ps o mga nasa listahanan program ng DSWD, senior citizen, at mga kasambahay.

Sa ilalim umano ang “No Balance Policy”, walang babayaran ang mga nabangit na membership category sa mga Philhealth accredited government facilities o sa mga pampublikong hospital.

Sakali naman aniyang bigyan ang isang miyembro ng resita na wala loob ng pagamutan, maaari naman aniyang ipresinta ang mga resibo sa philhealth para sa kanilang re-embursement.

Tamang panahon ng kampanya, mahigpit ang paalala ng Comelec

Mahigpit ang paalala ng Commission on Elections o Comelec Nueva Ecija sa mga kandidato na tatakbo sa Barangay at Sangguniang Kabataan elections.

Ayon kay Panfilo Doctor, Provincial Election Supervisor ng Nueva Ecija, dapat hintayin ang mga itinakdang petsa na maaari nang makapagkampanya dahil ang sinumang mapatutunayang lumabag rito ay mawawalan ng karapatang maluklok sa pwesto.

Dagdag pa ni Doctor na ang anumang uri ng pagpapakilala bilang kandidato kahit pa ang paggamit ng social media ay mahigpit na ipinagbabawal hangga’t hindi pa panahon ng kampanyahan.

Batay sa itinakdang iskedyul ng Comelec, ang campaign period ay magsisimula ng mayo 4 na magtatagal lamang hanggang Mayo 12.

Ipinaalala din ni Doctor ang pagsusumite ng Statement of Contributions and Expenditures o listahan ng mga nagastos sa pangangampanya pagkatapos ng halalan.

Tiwala ng international community sa Pilipinas, posibleng maapektuhan

Ang imahe raw ng Pilipinas sa international community ang pinaka-maapektuhan sa desisyon ni Pangulong Rodrigo Duterte na kumalas sa International Criminal Court o ICC.

Ayon kay Congressman Edcel Lagman, miyembro ng Magnificent 7 sa kamara, tiyak raw na negatibong impresyon mula sa international community ang bunga ng biglaang desisyon ng pangulo.

Bagamat walang direktang pakinabang ang bansa sa ICC, ay malaki naman raw ang pakinabang nito sa imahe ng bansa bilang tanda raw ng pagsuporta raw natin sa rule of law.

Para naman sa constitutional lawyer at dating mambabatas na si Atty. Emil Ong, wala pang hurisdiksyon ang ICC sa bansa dahil maayos pa naman raw ang ating justice system.

May karapatan din aniya ang pangulo na magwithdraw sa ICC dahil prerogative niya ito bilang pinuno ng bansa.

Sa ngayon ay hinimok na umano ng International Criminal Court (icc) ang Pilipinas na huwag kumalas sa Rome Statute.

Ito’y dahil ang Pilipinas ay isang importanteng state party sa Rome Statute at may mahalagang papel sa international criminal justice system.

Ayon sa ICC, bagaman batid nila na isang sovereign decision ang pag-withdraw ng pilipinas sa international treaty ay wala itong epekto sa kasalukuyang proceedings sa mga reklamong krimen laban sa pangulo.

DFA, nagsalita hinggil sa ipinadalang notice of withdrawal sa UN

Ang naging desisyon ng Pilipinas na kumalas sa korte ay isang prinsipyo laban sa mga namumulitika at nanggagamit sa isyu  ng karapatang pantao.

Ito ang naging pahayag ni Foreign Affairs Secretary Alan Peter Cayetano kasunod ng kasalukuyang pagpoproseso ng Pilipinas sa pagkalas mula sa International Criminal Court o ICC.

Pormal na ring ipinadala ang notice of withdrawal ni Philippine Repesentative Teodoro Locsin, Jr., at iniabot naman ito kay Maria Luiza Ribeiro Viotti, ang  Chef de Cabinet of UN Secretary General Antonio Gutteres sa New York City.

Sa sulat, tinukoy din ng kalihim na naniniwala itong walang krimen na umiiral o pananagutan na magsalita dahil sa simula pa lang ng kampanya laban sa iligal na droga ay isang lehitimong pagpapatupad na ito ng batas para protektahan ang lahat ng mga Pilipino at pagtibayin  ang rule of law.

Nakasaad din sa sulat na sa kabila ng pagkalas sa ICC ay tiniyak naman ng Pilipinas sa international community na patuloy pa ring ipapatupad ang rule of law  at proteksyon sa karapatang pantao ayon sa saligang batas.

Dagdag pa dito, pagtitibay din ng bansa ang pangako nito na labanan ang kawalan ng parusa sa atrocity crimes lalo na’t ang bansa ay may naipasang batas na nagpaparusa sa atrocity crimes.

Rabies, maaaring maiwasan

Ipinahayag ng Provincial Health Office (PHO) ng Nueva Ecija na maaaring maiwasan ang rabies na nagmumula sa kagat ng ating mga alagang hayop gaya ng aso, pusa at unggoy.

Payo ng PHO, kinakailangang mapabakunahan ang mga alagang hayop.

Samantala, sakaling nakagat ng aso o nakalmot ng pusa, itapat sa running water ang sugat at sabunin ng 10-15 minuto.  

Dalhin agad ang nakagat o nakalmot sa Animal Bite Treatment Center (ABTC), Regional Health Unit (RHU) o hospital.

Sa datos umano ng PHO, mahigit 10 ang namatay sa nueva ecija sanhi ng rabies noong isang taon.

Comelec, naniniwala na tuloy na tuloy na ang eleksyon ngayon Mayo

Naniniwala ang Commission on Election (Comelec) na tuloy na tuloy ang Barangay at Sangguniang Kabataan (SK) election ngayong Mayo 2018.

Ayon kay atty. Marino Salas, Election Supervisor ng Pangasinan, hindi na aabot ang panibagong panukalang Postponement Bill Number 7072 sa kamara dahil umano’y isinusulong ng Cha-Cha.

Dagdag pa ni Salas na malinaw ang mga pahayag ng Malakanyang na mayroon silang intesyon ng muling ipagpaliban ang halalan sa mayo.

Nanindigan din si Salas na ginagawa lamang nila ang kanilang trabaho para paghandaan ang nalalapit na eleksyon.

Sa ngayon, umaabot na sa 1,799,053 ang bilang ng regular voter habang nasa 683,462 ang botante na pawang mga kabataan.  

Pag-init ng panahon, pabor sa paglaki ng mga alagang bangus

Malaking tulong sa mga bangus grower ang pag-init ng panahon dahil mas mabilis ang paglaki ng kanilang alagang bangus.

Nabatid na umabot na sa 35.5 degree celsius ang temperatura na nararanasan sa syudad na pabor para sa mga alagang bangus

Ayon sa pag-aaral ng Bureau of Fisheries and Aquatic Resources (BFAR) kapag mainit ang panahon tumataas ng metabolism na nagdudulot ng kanilang mabilis na paglaki.

Halimbawa na aniya rito ang pangingitlog ng mga alagang isda kayat mabilis din ang kanilang pagdami.

Kasabay nito, nagbabala naman ng BFAR na dapat din mag-ingat dahil ang subrang pagpapakain at stock ng isda sa palaisdaan ay maaaring mauwi sa gataw.

24 gatasang kalabaw, ipinamahagi sa ilalim ng Sustainable Livelihood Program

Umabot na sa dalawamput apat na kalabaw ang naipamahagi ng Philippine Carabao Center (PCC) sa mga magsasaka sa lalawigan ng Pangasinan at La Union ngayong unang quarter ng taon.

Ito ayon kay Reynaldo Paneda, Science Research Analyst ng PCC ay sa  ilalim ng Sustainable Livelihood Program ng Department of Social Welfare and Develoment kung saan mula ito sa 4Ps beneficiaries.

Sinabi pa ni Paneda na isandaang head ng dairy carabao ang nakatakdang ipamahagi ng dswd na tiyak na pakikinabangan ng mga magsasaka.

Bilang ganti, dapat ang mga magsasaka na beneficiaries ng gatasang kalabaw ay narunong mag-alaga, maglaan ng lugar kung saan maaaring magtanim ng ipapakain sa kalabaw at dapat sumailalim sa mga pagsasanay

Ubo Patrol, nag-iikot sa mga barangay upang bantayan ang kaso ng tuberculosis

Patuloy ang isinasagawang Ubo Patrol ng City Health Office (CHO) Dagupan sa mga barangay upang mahanap ang mga residenteng nakakasanas ng pag-uubo.

Ayon kay Dr. Ophelia Revera, CHO Officer ng Dagupan na layun ng ubo patrol na maagapan ang ubo na nararamdaman kung ito ba ang sintomas na ng TB o Tuberculosis

Ang hakbang na ito ay upang masiguro na hindi na lalala ang ubo at mabigyan sila ng gamot

Nilinaw pa ni Revera na ang sakit ng TB ay nalulunasan sa pamamagitan ng anim na buwang gamutan, at hindi dapat itong katakutan at ikahiya.

PDRRMO, target makamit ang zero drowning incident sa Oplan Sumvac

Target ng Provincial Disaster Risk Reduction and Management Office (PDRRMO) na maitala ang “zero drowning incident” kasabay sa kanilang ipinatutupad na Oplan Sumvac.

Ayon kay Avenix Arenas, Information Officer ng PDRRMO, inaasahan na ang pagdagsa ng mga beach goer sa huling linggo ng marso kayat nasa “full alert status” na sila.

Kasado na ang limang beach tower na 24 hour na babantayan ng mga miyembro ng Water and Search o WASAR Team at nakataas na rin ng red flag tanda kung saan lamang maaaring maligo.

Nabatid na tatlo ang kaso ng pagkalunod ang naitala sa pangasinan noong nakaraan taon habang nasa dalawampu (20) ang nabiktima ng jellyfish sting.